2024 çулхи пĕрремĕш çур çула хаçат-журнал çырăнтарас кампани пынă май почтальонсен уйрăмах хĕрỹ тапхăр халĕ. Кашниех хаçат-журнал çырăнтармалли задание тултарас тесе тăрăшать.
Ытти ялти пекех Елчĕк, Элекçей Тимеш, Акчел ялĕсенче пурăнакансем почтальонкăсене чăтăмсăррăн кĕтеççĕ — хăйсем килĕштерекен хаçатсемпе журналсене алла илме васкаççĕ. Елена Хрисанова, Светлана Николаева, Ильгиза Григорьева (сăн ỹкерчĕкре) почтальонкăсем кашни вулаканпах тарават. Вĕсен чун ăшши пурин валли те çитет.
— Тăван округ хаçатне «Елчĕк ене» уйрăмах кăмăлласа çырăнаççĕ, — пĕлтереççĕ почта çыхăну уйрăмĕнчен.
Кунта та çын татăлмасть. Пĕри килте куллен кирлĕ тавар туянать, тепри газпа е электроэнергипе усă курнăшăн тỹлев тăратать. Виççĕмĕшсем хаçат-журнал çырăнас кăмăллă.
Хаклă вулаканăм! Хаçат çырăнтарас тапхăр вĕçлениччен шутлă кунсем юлчĕç. Тепĕр çул та пĕрлех пулар, туслăха упрар!
