Иртнĕ эрнере Елчĕкри электросеть предприятийĕнче пушара сирсе ярассипе çыхăннă вĕренÿ иртнĕ.
Вĕренÿре палăртнă тăрăх, «подстанцире тивсе илнĕ трансформатора коллектив хăйĕн вăйĕпе сÿнтерме пуçăннă». Пушара хирĕçле тата чрезвычайлă лару-тăрăва сирсе ярассишĕн яваплă районти службăсем вырăна вăхăтлă çитсе «инкеке сирнĕ».
— Пур служба та хăйсен тивĕçне пĕлсе пурнăçларĕ, вĕренÿ ăнăçлă иртрĕ, — палăртрĕ планпа палăртнă мероприятие йĕркеленĕ Елчĕкри 44-мĕш номерлĕ пушар хурал чаçĕн ертÿçи Василий Григорьев.
