Чăваш Енри Спорт министерстви Пĕтĕм Раççейри «Ĕçе тата хÿтĕлеве хатĕр» физкультурăпа спорт комплексне пурнăçа кĕртессипе регионти муниципаллă тата хула округĕсенчи тăхăр уйăхри рейтингне пĕтĕмлетнĕ.
Виçĕ квартал кăтартăвĕсемпе муниципалитетсенче ГТОна ĕçе кĕртессипе Елчĕк районĕ пĕрремĕш вырăна тухнă. 2015 çултанпа районти 3322 çын, кăçал кăна 556, ГТО нормисене пурнăçланă, вĕсенчен 296-шĕ ылтăн паллăна тивĕçнĕ.
