Тăххăрмĕш çул шкул ачисем çуркуннехи каникул вăхăтĕнче Хĕрлĕ Çăлтăр орден кавалерне Ю.Борисов воин-интернационалиста асăнса ирттерекен стрит-баскет ăмăртăвне хутшăнаççĕ.
Кăçал 2003 çулта çуралнă тата унран кĕçĕнрех шкул ачисем хĕрÿ тупăшăва тухрĕç. Ăмăртăва арçын ачасен 8, хĕрачасен 6 команди хутшăнчĕ. Хĕрачасенчен Кивĕ Эйпеç шкулĕ пĕрремĕш, Аслă Елчĕксемпе Лаш Таяпасем иккĕмĕшпе виççĕмĕш вырăнсене çĕнсе илчĕç. Арçын ачасенчен чи маттуррисем Патреккелсем пулчĕç. Аслă Таяпасем иккĕмĕш, Елчĕк шкулĕ виççĕмĕш вырăнсене пайларĕç.
