«Ачалăх ячĕпе, ачалăхшăн» ыркăмăллăх марафонне Елчĕксем те тÿпе хываççĕ.
Хальлĕхе республикăри фондăн пухмачне район çыннисем 197235,66 тенкĕ куçарнă. Юлашки вăхăтра çак сăваплă ĕçе «Энтепе» ООО, «Прогресс» АХО 10000-шер, «Яманчурино» ООО, «Сатурн» ЯХПК, «А-Свет» ООО 5000-шер тенкĕ хывнă. Хальхи вăхăтра уйрăм предпринимательсем çак ĕçе хутшăнса пыраççĕ.
Ырă ĕç туни пархатарлă. Район çыннисем ыркăмăллăх марафонне хывнă укçа тăван районти тăлăх, нумай ачаллă çемьери ачасене пулăшма каять.
