Хальхи вăхăтра ĕç сыхлавĕн норма акчĕсене улшăнусем кĕртес тĕлĕшпе ĕçлеççĕ.
Çĕнĕлĕхсем, тĕпрен илсен, ĕç условийĕсене хăрушсăрлатмалли, производствăра сусăрланакансен шутне чакармалли профилактика мерисене вăйлатассипе, ĕç паракансене вĕсене пурнăçлама хавхалантарассипе çыхăннă.
2021 çулта ĕç сыхлавĕ тĕлĕшпе 40 йĕрке вăя кĕнĕ. Кăçалхи пуш уйăхĕн 1-мĕшĕнчен тытăнса Ĕç кодексне улшăнусем кĕртекен çĕнĕлĕхсем вăя кĕреççĕ. Чăваш Республикин Ĕçлевпе социаллă хÿтлĕх министерствин специалисчĕсем вĕсене тĕпе хурса хатĕрленĕ материалсемпе ĕç паракансем ведомство сайтĕнче тĕплĕн паллашма пултараççĕ.
