Чăваш Енре наци проекчĕсемпе палăртнă кăтартусене 98,6 процент пурнăçланă.
Çакăн пирки Чăваш Республикин Пуçлăхĕ Олег Николаев пĕлтернĕ. Сăмахран, иртнĕ çул пурăнмалли çурт-йĕр сахалтан та 716 пин тăваткал метр хута ямалла пулнă. Строительсем вара 850,6 пин ытла тăваткал метр тунă.
Кăçал та çак кăтартăва чакарасшăн мар: кăрлач-нарăс уйăхĕсенче 268 пин тăваткал метр хута яма ĕлкĕрнĕ.
Елчĕк муниципалитет округĕпе илес пулсан, пĕлтĕр наци проекчĕсемпе çыхăннă ĕçсене пĕтĕмпе 21 миллион та 340,6 пин тенкĕлĕх (100 процент) пурнăçа кĕртнĕ.
