Округри çамрăк хоккеистсем — 2009-2010 çулсенче çуралнă ачасем республикăри «Ылтăн шайба» турнирăн иккĕмĕш тапхăрне хутшăннă.
Елчĕксем пирваях Йĕпреçсемпе тĕл пулнă, 3:0 шутпа çĕнтернĕ. Шупашкар муниципаллă округ команди кил хуçисене, Вăрнарсене (10:3) нимĕнле шанăç та паман. Пирĕннисем те ăна 5:0 шутпа выляса янă, çапах та финала тухма пултарнă. Вăл ăмăрту ĕнер иртнĕ. Унта çỹлерех асăннă икĕ командăсăр пуçне Патăрьелсемпе Канашсем те вăй виçнĕ. Финалти вăйăсен кăтартăвĕпе çитес номерте паллаштарăпăр.
