Республикăра граждан оборони тата чрезвычайлă лару-тăрăва сирсе ярас тĕлĕшпе ĕçлекен тытăмри хăш-пĕр хастарсене пысăк наградăсемпе чысланă.
Вĕсен йышĕнче Елчĕксем те пур. Округри 44-мĕш номерлĕ пушар хурал чаçĕн ертỹçине Василий Николаевич Григорьева çăлав ĕçĕнче нумай çул тỹрĕ кăмăлпа ĕçленĕшĕн «Чăваш Республикин тава тивĕçлĕ çăлавçи» паллăпа, регионти МЧС тытăмĕнче вăй хуракан, çак ята иртнĕ çул тивĕçнĕ Александр Петрович Петрушкина (Аслă Елчĕк) «Çăлав ĕçĕнчи пропагандăшăн» медальпе наградăланă.
