Граждансем хăйсене пăшăрхантаракан ыйтусене «Патшалăх ĕçĕсем. Пĕрле татса паратпăр» портал тата социаллă сетьсем урлă власть патне çитерме пултараççĕ.
Региона ертсе пыракан центр çу уйăхĕнче 5700 ыйту йышăннă. Çыракансен хушшинче Шупашкар, Çĕнĕ Шупашкар хулисенче, Улатăр, Канаш, Çĕмĕрле округĕсенче пурăнакансем ытларах. Çынсем çул-йĕрпе, тавралăха хăтлăлатассипе, вĕрентỹпе, общество транспорчĕпе, пурăнмалли çурт-йĕрпе коммуналлă хуçалăхпа çыхăннă ыйтусене хускатнă.
