Раççейри Волонтер кунне паллă тунă кун Канаш хулинче хăй ирĕкĕпе пушара хирĕç кĕрешекенсене савăнăçлă лару-тăрура чыслассипе пысăк уяв пулчĕ.
Пушара тата ытти инкеке хирĕç кĕрешес ĕçре профилактика ĕçне тивĕçлĕ пурнăçланăшăн ырă ята тивĕçнисен хушшинче пирĕн районти волонтерсем те пур. Григорий Яшин /Кÿлпуç/, Валерий Московский /Вăрăмхăва/, Людмила Смирнова /Тип Тимеш/, Светлана Агеева /Елчĕк/ МЧСăн республикăри тĕп управленийĕн тата Чăваш Республикин Граждан оборони тата чрезвычайлă лару-тăру енĕпе ĕçлекен патшалăх комитечĕн Хисеп хучĕсемпе Тав çырăвĕсене тивĕçрĕç.
В.ГРИГОРЬЕВ.
