Пурнăç пахалăхне кура йĕркеленĕ списокра Чăваш Ен иккĕмĕш çул ĕнтĕ — чи лайăх 20 регион йышĕнче.
Рейтинга Стратеги пуçарăвĕсен агентстви хатĕрленĕ. Тишкерỹре палăртнă тăрăх, пĕр çулта республика инфратытăм тата пурăнмалли хăтлă вырăн тĕлĕшпе нумай ĕç тунă. Интернет кĕртнĕ кил хуçалăхĕсен шучĕ 68-тан 80 процента çитнĕ. Халăха ĕçмелли пахалăхлă шывпа тивĕçтересси 90 процент таран ỹснĕ. Спорт лапамĕ нумайланнă тата ытти те.
