Елчĕк муниципалитет округĕнче 2023 çулта та вырăнти халăх пуçарăвĕпе йĕркеленсе пыракан 43 пуçару проекчĕ вăя кĕнĕ. Çавна май территорисенче тĕрлĕрен объектсем хута кайнă, ялсен сăн-сăпатне илем кỹрсе улăштарнă, çынсене пурăнма кирлĕ услови туса панă. Çав шута çаксем кĕреççĕ:
— Яманчỹрел ялĕнчи автомобиль çỹрекен çула юсани;
— Шăмалак, Яманчỹрел, Çĕнĕ Эйпеç, Акчел, Шуршу, Чăваш Тăрăмĕ, Аслă Таяпа, Кĕçĕн Патреккел, Кĕçĕн Таяпа, Турхан, Тăрмăш, Элекçей Тимеш, Елчĕк, Сăрьел, Çĕнĕ Арланкасси ялĕсенчи чул-хăйăр сарнă çулсене юсани;
— Яманчỹрел, Лаш Таяпа, Чăваш Тăрăмĕ ялĕсенчи масар патне илсе çитерекен чул-хăйăр сарнă çулсене юсани;
— Чăваш Тăрăмĕнчи масар йĕри-таврашне карта тытса çавăрни тата хапха вырнаçтарни;
— Аслă Елчĕкри Яковлев урамне хăтлăх кĕртни, Свердлов, Тябуков ячĕпе хисепленекен урамсенчи çулсене юсани;
— Тĕмер, Хăвăлçырма ялĕсенчи пусăсене юсаса çĕнетни;
— Çирĕклĕ Шăхаль ялĕнче купель вырнаçтарни;
— Хăвăлçырмара спорт площадкин йĕри-таврашне карта тытса çавăрни;
— Яманчỹрел ялĕнчи çăл куç таврашне хăтлăх кĕртни;
— Таяпа Энтри ялĕнче дамбăна юсани;
— Çĕнĕ Пăва, Çуткỹл, Тип Тимеш ялĕсенче ача-пăча площадкисене вырнаçтарни;
— Вырăскасси, Ĕнел ялĕсенчи масар йĕри-таврашне карта тытса çавăрни;
— Элекçей Тимеш ялĕнчи масар территорине хăтлăх кĕртни;
— Тип Тимеш, Анатри Тимеш ялĕсенче пушар резервуарĕ вырнаçтарни;
— Тăрăм ялĕнче стадион йĕри-таврашне карта тытса çавăрни;
— Патреккел ялĕнче скважина чавни тата шыв башни вырнаçтарни;
— Энтепе ялĕнче ача-пăча площадки туни, хăтлăх кĕртни.
