Республикăра 2024 çулта налук органĕсем администрацилекен тỹлевсене — налуксене, обязательнăй социаллă страховани тỹлевĕсене — 174,8 миллиард тенкĕ пухнă. Ку 2023 çулхи виçен 121,4 проценчĕпе танлашать.
Налуксен калăпăшĕ 123 миллиард тенкĕ шайĕнче — çулталăк каяллахинчен 21,3 процент нумайрах. Çав шутра хакран илекен налук виçи — 37,8 процент, уйрăм çынсен тупăшĕнчен илекенни — 25,3, усламран илекен налук виçи 18,9 процентпа танлашнă.
