Аслă Елчĕк ялĕнчи масар территорине хăтлăлатас ĕç малаллах тăсăлать. Халăх пуçарăвне çул паракан программа çынсене хăйсен ялĕсене тирпей-илем кĕртме тỹрремĕнех витĕм кỹрет. В.Ю.Егоркин подрядчик йĕркелесе пыракан ĕçĕн пĕтĕмĕшле хакĕ 4 млн тенке яхăн. Кунта 860 метр тăршшĕ çĕнĕ карта тата хапха вырнаçтарнă. Масарăн шал енче тата тулашĕнче çуран çỹремелли çулсем хываççĕ, территорие кивĕ йывăçсенчен тасатаççĕ, вак чул çултан хываççĕ. Территорие тирпей-илем кĕртес ĕç мĕнле пынипе округ пуçлăхĕ Леонард Левый тата Чăваш Республикин Патшалăх Канашĕн депутачĕ Юрий Попов паллашнă (сăн ỹкерчĕкре). Вĕсем пурнăçланакан ĕçсене пысăк хак панă.
