Октябрĕн малтанхи çурринче ятарлă çар операцийĕн салтакĕсем патне Чăваш Енрен гуманитари пулăшăвĕ 100-мĕш хут ăсатнă.
Ăна пухма республикăн Вĕрентỹ тата Промышленность министерствисем, «Пĕрле» фонд, Шупашкарти, Çĕрпỹпе Вăрнар округĕсенчи волонтерсен ушкăнĕсем хутшăннă. Вăрăм фурăсемпе Бердянск округне спортпа вăйă оборудованийĕ, класа вырнаçтармалли сĕтел-пукан, вĕрентỹ пособийĕсем, канцеляри таварĕсем, илемлĕ литература, медицина оборудованийĕ, апат-çимĕç, кран-манипулятор, ĕçмелли шыв турттармалли 7 прицеп, 4 автомашина, маскировка тетелĕсем, ытти ресурс çитернĕ.
