Раççей Федерацийĕн Конституцийĕпе килĕшÿллĕн кашни çыннăн ĕçлев прави пур, вăл хăрушсăрлăха тата гигиенăна тивĕçтермелле.
Çак йĕрке РФ кодексĕнче çырăннă. Вăл ертÿçĕ ĕç вырăнĕнче ĕçлев требованийĕсене тивĕçтермелли условисем тума, ĕç условийĕсене ятарлă хак пама, вăй хуракансене хÿтлĕх хатĕрĕсемпе, сыватупа профилактика апачĕпе тивĕçтерме, сывлăхшăн сиенлĕ ĕç вырăнĕсенче тăрăшакансене медицина тĕрĕслевĕ витĕр кăларма, ĕçлекенсене хăрушсăрлăх ĕç йĕркисене вĕренме хистет. Çак йĕркене пурнăçлама тиветех. Унсăрăн должноçри çынсене тата юридика сăпачĕсене административлă майпа штраф тÿлеттерме пултараççĕ.
