Чăваш Республикинчи «Агро-Инноваци» хысна унитарлă предприятин информаципе аналитика уйрăмĕн ертÿçи А.Петров ертсе пынипе район администрацийĕнче ял хуçалăх потребитель кооперацийĕсене аталантарас тĕлĕшпе вĕренÿ иртнĕ.
Унта ял хуçалăх предприятийĕсемпе хресчен /фермер/ хуçалăхĕсен ертÿçисем, ял тăрăхĕсен пуçлăхĕсем, специалистсем хутшăннă.
Сăмах май, 2024 çулхи тапхăрччен ял хуçалăх потребитель кооперацийĕсене аталантарассине Раççей Правительстви шайĕнче стратегиллĕ тĕллев тесе çирĕплетнĕ. Çапла майпа ялти пурнăç шайне лайăхлатас тĕллевпе 2016-2017 çулсенче республикăра пурĕ 33 ял хуçалăх потребитель кооперацийĕ йĕркеленĕ.
