Çурхи ака ĕçĕсене вĕçленĕ хыççăн Кушкă ялĕнче пурăнакансем юрăпа спорт уявĕнче савăннă. Уява хутшăннисене Аслă Пăла Тимеш ял тăрăхĕн пуçлăхĕ Георгий Зайцев, ял старости Петр Хмелев тата ыттисем те саламланă.
Ял çак кун кĕрлесе анчах тăнă. Халăх юрă-ташăра, вăйă- кулăра савăннă. Суту-илÿ ярмăркки те çынсене тĕрлĕ таварпа илĕртнĕ. Культура ĕçченĕсем, чăваш эстрада çăлтăрĕсем уява хаваслăх кĕртнĕ.
