Июнĕн 1-мĕшĕ – Пĕтĕм тĕнчери ачасене хÿтĕлемелли кун умĕн Чăвашстат специалисчĕсем пулас ăру пирки информаци пухнă.
2018 çулхи январĕн 1-мĕшĕ тĕлне регионра 259,3 пин 18 çула çитичченхи ача шутланнă. Çав шутран шкул çулне çитичченхисем – 113,9 пин /0-6 çул/, шкул çулĕнчи ача-пăча – 110,1 пин /7-14 çул/, çула çитмен çамрăк – 35,3 пин /15-17 çул/. Вĕсенчен ытларахăшĕ ?65,3 процент/ хулара пурăнаççĕ. Пĕтĕм ушкăнри ачасемпе çула çитменнисем хушшинче ытларахăшĕ – арçын ачасем.
Малтанхи кăтартусем тăрăх, 2018 çулта республикăра 13,1 пин ача çуралнă. Статистика отчечĕ 2019 çулхи январь-март уйăхĕсенче 2,8 пин ача çут тĕнчене килнине çирĕплетет.
