Елчĕкри тĕп библиотекăра йĕркеленĕ анлă фотосессие ятарлă çар операцине хутшăнакансен амăшĕсене, мăшăрĕсене тата вĕсен ачисене халалланă.
Проекта хутшăнакансем çар тумне тăхăнса сăн ỹкерттерни чун-чĕрене хумхатать. Çакă юратнă тата çывăх çыннисем хушшинчи хутшăнăва, шанчăклăха палăртать-çке.
— Проекта йĕркеленĕ май эпĕ хĕрарăмсемпе ачасен кăмăл-туйăмне палăртма шут тытрăм. Вĕсен кашнийĕн хăйĕн историйĕ: пĕрисем çывăх çыннисене çухатнă. Шăпи ытла та ыратуллă… Теприсем пысăк шанчăкпа çывăх çыннисене кĕтеççĕ, — палăртать проект фотографĕ Диана Васильева.
Сăн ỹкерчĕкре: Украинăри ятарлă çар операцийĕнче çар тивĕçĕсене пурнăçласа паттăрла пуç хунă Дмитрий Мартемьянов (Элекçей Тимеш ялĕ) çемйи.
