— Еткерлĕхе куçакан çĕр лаптăкĕн чиккине палăртманни харпăрлăх правине регистрацилеме чăрмантармĕ-и?
Ыйту çине Росреестрăн республикăри управленийĕн çĕр лаптăкĕсене регистрацилекен пайĕн пуçлăхĕ Наталья Павлова хурав парать:
— Çурт вырнаçнă çĕр лаптăкĕн чиккисене палăртман пулсан Росреестрта çурта еткерлĕхе йышăнмалли правăна регистрацилес ĕçе чарса тăракан сăлтав пулĕ. Урăхла каласан, çĕр лаптăкне регистрацилеме пултарăр, çурта вара — çук. Çакă — кăçалхи мартăн 1-мĕшĕнчен вăя кĕнĕ саккун требованийĕ.
Чикĕсене официаллă майпа палăртнă тата ЕГРНа кĕртнĕ хыççăн кăна çурт правине регистрацилеме май пур. Тепĕр чухне çак ĕç темиçе уйăха тăсăлса кайни те пулать.
