Елчĕкри историпе краеведени халăх музейĕ Çĕнĕ çул умĕн муниципалитет шайĕнче «Лучшая новогодняя елочная игрушка» конкурс ирттерме йышăннă.
Конкурс тĕллевĕ — ача сачĕсенчи шăпăрлансемпе шкулсенче вĕренекенсен, вĕсен ашшĕ-амăшĕсен пултарулăхне аталантарасси тата чи илемлĕ теттесене тупса палăртасси. Ачасем хăйсен аллисемпе ăсталанă çак теттесене вара пурне те шăпах Çĕнĕ çул умĕн Тĕп лапамри лăс туратлă чăрăша илемлетме усă курĕç.
