Ял хуçалăхĕнче продукци туса илекенсем 100 ытла çĕр лаптăкне йỹнĕрех хакпа туянма пултараççĕ.
ЧР Патшалăх Канашĕ Чăваш Республикин 69-мĕш саккунне улшăну кĕртме йышăннă. Вăл ял хуçалăх производствине йĕркелемелли çурт-йĕрсĕр çĕр лаптăкĕн çăмăллăхлă сутлăх хакне çирĕплетме май туса парать. Палăртнă саккунпа килĕшỹллĕн унăн кадастр хакĕн 15: тỹлесех харпăрлăха илме право пур. Республикăра хăçанччен усă курмаллине палăртмасăрах тара илнĕ çавнашкал 105 çĕр лаптăкĕ (5063 га) шутланать. Хуçисем вĕсене çăмăллăхлă хакпа туянса харпăрлăха илме пултараççĕ.
