Çулталăк пуçланнăранпа республикăра налук органĕсем администрацилекен тỹлевсене 143,8 миллиард тенкĕ пухнă. Ку иртнĕ çулхи 6 уйăхри виçерен 50,8 процент нумайрах.
Çав шутра хыснана кĕнĕ налуксен калăпăшĕ 112,3 млрд тенкĕпе танлашнă — пĕлтĕрхинчен 1,7 хут пысăкрах кăтарту. Çакăнта хушма хакран илекен налук тỹпи чи пысăкки — 40,3 процент. Усламран илекеннин те пĕчĕкех мар — 35,9 процент. Уйрăм çынсен тупăшăнчен илекен налук тỹпи вара 12,9 процент шайĕнче.
