Чăваш Республикин Пуçлăхĕн Олег Николаевăн 2026 çулхи июнĕн 22-мĕшĕнчи Указĕпе килĕшỹллĕн октябрĕн 16-мĕшĕнче çулсерен Ял хĕрарăмĕн кунне ирттерме пуçлĕç.
Кăçал паллă куна халалласа регионта «Ял илемĕ» ятпа спартакиада йĕркелеме палăртнă. Октябрĕн 1-14-мĕшĕсенче кашни округрах хĕрарăмсен командисем ГТО фестивалĕпе эстафетинче, дартсра, хутăш эстафетăра, волейбол, шашка вăййисенче тупăшĕç. Пирĕн округра спорт мероприятийĕсем çак уйăхăн 6-8-мĕш кунĕсенче иртеççĕ.
Округсенче çĕнтернĕ командăсене октябрĕн 15-мĕшĕнче Шупашкар округĕн Ишлей ялĕнчи «Унга» спорт комплексĕнче кĕтеççĕ.
