Республика кунне халалланă мероприятисем кăçал Улатăр районĕнче те иртессине эпир хамăр вулакансене пĕрре мар пĕлтернĕччĕ.
Район общество инфратытăмне аталантармашкăн ЧР Пуçлăхĕн грантне – 10 миллион тенкĕ — çĕнсе илнĕ. Хальхи вăхăтра Улатăрсем хĕрсех уява хатĕрленеççĕ. Сăмахран, Кивĕ Эйпеçри Шкул урамĕнче ача-пăча лапамне юсаса çĕнетнĕ, кану паркне илемлетеççĕ. Çак ялти тата Паснапуçри çула юсаççĕ. Кивĕ Эйпеç ялĕнчи тротуарсене, библиотека тăррине çĕнетес ĕç малалла пырать. Ăна çывăх кунсенчех вĕçлеме палăртнă.
