Раççей Федерацийĕн Хĕç-пăшаллă вăйĕсен тĕп шутлав центрĕн начальникĕнче тăрăшакан Роберт Петрович БАРАНОВ генерал-майор ĕнер хăйĕн çуралнă кунне паллă турĕ.
Роберт Баранов Елчĕк ялĕнче 1975 çулта çуралнă. 1992 çулта вăтам шкул пĕтернĕ, çак çулах Ленинград облаçĕнчи Михайловски çар академине вĕренме кĕнĕ. 1997 çулта çар инженерĕн дипломне алла илнĕ. Унăн малаллахи служби наукăпа тĕпчев ĕçĕпе çыхăннă. 2002 çулта вăл кандидат диссертацине хỹтĕленĕ, 2007 çулта доцент ятне илнĕ, 2011 çулта ăна полковник, 2021 çулта генерал-майор званине панă. Вăл — çар ăслăлăхĕсен докторĕ.
