Тутарстанри Элшел ялĕнче çамрăксен футбол турнирĕ иртнĕ.
Ултă команда вăй виçнĕ ăмăртура хăнасене – Лаш Таяпасене пуринчен ытларах ăнăçнă. Анчах çĕнтерÿ пачах çăмăл килмен. Çакă вăйăсенчи тĕп вăхăт никам çĕнтерейменнипе вĕçленнинчен курăнать. Ентешсем пенальти тапассинче ăста пулнăран финала тухма пултарнă. Тĕп вăйăра вĕсем «Кештек» командăна 1:0 шутпа парăнтарса кубока çĕнсе илнĕ.
