Хĕç-пăшалăн саккунсăр çаврăнăшне пÿлес ĕçри чи витĕмлĕ мелсенчен пĕри – уйрăм çынсем килте саккунсăр майпа упракан хĕç-пăшала, çурăлакан тата сирпĕнекен хатĕрсене право хурал органĕсенче тÿлевлĕ йышăнассине ĕçе кĕртни.
Раççей Федерацийĕн саккунĕсемпе килĕшÿллĕн, хĕç-пăшала хăйсен ирĕкĕпе паракансене уголовнăй яваплăхран хăтараççĕ. Вĕсем /883539/ 5-13-02 номерпе е /88352/ 24-16-55 номерлĕ «Шанăç телефонĕпе» усă курса шăнкăравлама пултараççĕ.
Енчен те граждансен çуртра вăрттăн упранакан хĕç-пăшал е çар хатĕрĕсем пулсан çийĕнчех Елчĕкри полици пайне килсе пама ыйтатпăр, çакăншăн укçа-тенкĕпе хавхалантарассине те ĕçе кĕртнĕ. Ку тĕллеве пурнăçа кĕртме Елчĕк тата Комсомольски районĕсен администрацийĕсем 2020 çулта ЧР ШĔМĕн районсем хушшинчи «Комсомольский» уйрăмне 20000 тенкĕ уйăрнă.
Л.НИКИФОРОВА,
шалти ĕçсен пайĕн сотрудникĕ.
