Раççей Федерацийĕн Тĕп прокурорĕ çамрăксен хушшинче «Пĕрле коррупцие хирĕç» ятпа коррупцие хирĕçле социаллă рекламăн пĕтĕм тĕнчери конкурсне йĕркелет. Унта Раççейсĕр пуçне ытти çĕршывсенче пурăнакан 14-35 çулсенчи çамрăксем хутшăнма пултараççĕ.
Конкурсантсен коррупцие хирĕçле темăпа плакат е видеоролик хатĕрлемелле. Заявкăсене 2020 çулхи майăн 1-мĕшĕнчен пуçласа октябрĕн 1-мĕшĕччен официаллă сайтра /www.antikorruption.life/ йышăнаççĕ. Конкурс условийĕсемпе çак сайтра паллашма пулать.
Çĕнтерÿçĕсене Дипломсемпе, хаклă парнесемпе чыслĕç.
