Апрелĕн 30-мĕшĕ – Раççей пушар хуралĕн кунĕ.
Районта пушарпа кĕрешекен тата çак инкеке асăрхаттаракан 2 организаци – пушар асăрхавĕн Елчĕк районĕнчи уйрăмĕ /начальникĕ – патшалăх тĕп инспекторĕ Александр Сайкин/ тата Елчĕкри 44 номерлĕ пушар хурал чаçĕ /Василий Григорьев/ – ĕçлет. Вĕсенче пурĕ 22 çын тăрăшать. Унсăр пуçне кашни ял тăрăхĕнчех муниципалитет пушар хурал чаçĕсем пур.
Пушар хуралне çирĕп сывлăхлă тата пысăк вăй-халлă, вăр-вар та тÿсĕмлĕ çынсене ĕçлеме илеççĕ. Вĕсем инкеке лекнĕ çынсене вăхăтлă пулăшу пама, синкерлĕ лару-тăрăва кĕске вăхăтра тата пысăк çухатусемсĕр сирсе яма пулăшаççĕ.
Пысăк тÿсĕмлĕх те ăнăçу сунар пушар хуралĕн кашни ĕçченне!
