Курнавăшри пĕтĕмĕшле пĕлÿ паракан вăтам шкулта вĕренекенсем районти спорт ăмăртăвĕсенче тăтăшах çĕнтерÿпе палăраççĕ.
Вĕсем «Ĕçе тата оборонăна хатĕр» Пĕтĕм Раççейри физкультурăпа спорт комплексĕн нормативĕсене пурнăçлас тĕлĕшпе 2019-2020 вĕренÿ çулĕнче вăтам шкулсем хушшинче ирттернĕ смотр-конкурсра та мала тухнă. ГТО значкисчĕсем пулни малашлăхра та пулăшать-çке – аслă шкулсене вĕренме кĕнĕ чухне хушма балл парать. Кунти 9 выпускник шăпах ылтăн тата кĕмĕл паллăсене илме ĕлкĕрнĕ те.
