Людмила Зайцева, районти ветерансен Канашĕн председателĕ:
«Ăнăçлă сасăлав»
тесех хаклас килет Раççей Конституцине улшăнусем кĕртес тĕлĕшпе йĕркеленĕ иртнĕ сасăлава. Ветерансен ĕçĕ-хĕлĕпе куллен тимленĕ май, районти хăш-пĕр суйлав участокĕнче пулса куртăмăр. Вĕсенче хăрушсăрлăх йĕркисене çирĕп пăхăнни кашнинчех палăрчĕ. Пÿлĕмсене дезинфекциленĕ. Антисептик та пур. Маскăсемпе, перчеткесемпе, пĕр хут усă курмалли ручкăсемпе тивĕçтернĕ. Аякранах илтĕнекен çепĕç юрă-кĕвĕ çемĕ те ял çыннисене хăйсен шухăш-кăмăлне васкаса пĕлтерме йыхравланăнах туйăнчĕ. Халĕччен пулман, мероприятие çичĕ кун йĕркелени те пĕлтерĕшлĕ.
Тĕпрен илсен, районта пурăнакансем çĕршывăн Тĕп саккунне улшăнусем кĕртессине ырласа сасăларĕç.
