Республикăра мини-футбол енĕпе аслă дивизионри чемпионат пуçланнă. Унта 2018-2019 çулсенче çĕнтерÿпе палăрнă Елчĕксен «Канмаш-лидер» команди те /начальникĕ – Андрей Лапшин, тренерĕ – Артем Кириллов/ вăй виçет.
Пĕрремĕш турти вăйăсем иртнĕ шăматкун пулнă. Ентешсем ăна ЧГПУ-ДИНА командăна 15:2/!/ шутпа парăнтарнинчен пуçланă. Сергей Васильевпа Петр Жуков 2-шер мечĕк тапса кĕртнĕ. Андрей Федорова вара пушшех ăннă: 7 мечĕк.
