Сăн ÿкерчĕкри Валентина Зайцева «Победа» ОООри столовăйра повар пулса тăрăшать.
Ял хуçалăх предприятийĕнчи столовăйра ака-вырма вăхăтĕнче анчах мар, вĕри апат пĕçерессине çулталăк тăршшĕпех йĕркелесе пынăран, унăн пăшăрханма вуçех сăлтавĕ çук – вăл шанчăклă ĕç вырăнĕ йышăнать.
Ферма территорийĕнчен аякра мар вырнаçнă, нумаях пулмасть юсаса çĕнетнĕ апатлану çуртĕнче хăтлă та çутă. Кухньăри савăт-сапа, апат пĕçернĕ чухне усă куракан ытти кирлĕ хатĕрсем санитарипе гигиена йĕрки ыйтнине туллин тивĕçтереççĕ. Апачĕ вара тата тутлăрах.
– Хĕлле ĕç хĕрÿ вăхăтри пек ытлашши тăкăс мар пулин те, ферма коллективĕ валли кăнтăрла вăхăтне кашни кун вĕри апат хатĕрлетпĕр, – тет Валентина Зайцева.
