Федерацин «Хăрушлăхсăр тата паха автомобиль çулĕсем» проекчĕпе килĕшÿллĕн кăçал Чăваш Енре автоçулсен 13 сыпăкне /40 км/ тĕпрен юсама тĕллев лартнă.
Объектсене ЧР Министрсен Кабинечĕ çирĕплетнĕ, вĕсен списокĕпе кирек кам та паллашма пултарать. Çул сыпăкĕсене çĕнетекен подряд организацийĕсене те палăртнă – юсама хатĕрленеççĕ. Çÿлте асăннă проекта ĕçе кĕртнисĕр пуçне кăçал автоçул федерацин тата республикăн ытти программипе те тăваççĕ.
