1-9-мĕш классенче иртеççĕ. Аса илтеретпĕр, çак вĕренỹ çулĕнчен пуçласа Раççейри шкул программине финанс пĕлĕвĕн урокĕсене кĕртнĕ.
Пуçламăш шкулта финанс пĕлĕвĕн пайĕсем «Математика», «Окружающий мир» предмечĕсенче, 5-9 классенче «Обществознани», «Математика» тата «Географи» предмечĕсенче пулаççĕ.
Пĕрремĕш класран пуçласа шкул ачисене интернетри хăрушсăрлăх правилисене, çавăн пекех çемьен тупăш пайĕпе тăкакĕсене тишкерме, харпăр хăйĕн финанс планне йĕркелеме вĕрентеççĕ.
5-9 классенче предприниматель ĕçĕ-хĕлĕпе çыхăннă хăрушсăрлăхсене хаклаççĕ, финанс организацийĕсен, ултавçăсен тĕрлĕ суя-ултав тĕсĕсемпе вĕсенчен сыхланмалли çул-йĕрсем пирки калаçаççĕ. Математика заданийĕсен пĕр пайне таварсен, пулăшу ĕçĕсен хакне, налуксен тытăмне тишкерессине халаллаççĕ, географи урокĕсенче вара çыннăн, çемьен пурнăç пахалăхне, финанс лару-тăрăвне палăртаççĕ.
Чăваш Енре 400 ытла шкулта финанс пĕлĕвĕн урокĕсем сентябрĕн 1-мĕшĕнчех иртнĕ. Унта экспертсене, финанс волонтерĕсене, тĕрлĕ специалистсене чĕннĕ.
Палăртса хăвармалла, Чăваш Республики финанс пĕлĕвне ỹстерес программăна пурнăçлассипе пилотлă регион шутне кĕнĕ.
