Ĕнер Атăлçи тăрăхĕнче регионсен хушшинчи «Çĕнтерỹ чиккисем» патриот марафонĕ уçăлнă.
Мероприятие тыл ĕçченĕсене тата хỹтĕлев чиккисене чавма хутшăннă çынсене халалланă. Вăл виçĕ региона çыхăнтарĕ: Чăваш Ене, Пушкăртстана тата Чĕмпĕр облаçне. Марафона уçнă кун Шупашкарта хỹтĕлев чиккисем чавни тата ĕç паттăрĕсем çинчен калакан куçса çỹрекен куравпа паллашнă. Çавăн пекех виçĕ регионăн пултарулăх коллективĕсем концерт лартаççĕ. Шупашкартан эстафета Улатăра тата Шăмăршă ялне куçĕ. Унтан — Чĕмпĕр облаçĕнчи Димитровграда, Ишеевкăна тата Чĕмпĕре. Марафон октябрĕн 25-мĕшĕнче Ĕпхỹ хулинче хупăнĕ.
