Шупашкарти Трактор тăвакансен культура керменĕнче иртнĕ аслă ăрурисемпе ветерансен пултарулăх ушкăнĕсен «Чун-чĕре юрлать» фестиваль-конкурсне Елчĕксем те хутшăннă
Унта пĕрлештернĕ коллектив — районти культура çурчĕ çумĕнчи ветерансен «Туслăх» халăх хорĕ (ертỹçи Евдокия Егорова) тата Тỹскелти хĕрарăмсен «Шуçăм» ансамблĕ (ертỹçи Иван Шурбин) куракансене «Атăл хăмăшĕ» тата «Кумушки» юрăсемпе паллаштарнă. Апла кăна та мар — тыткăнланă! Çавна май 20 ытла коллектив хушшинче Гран-прие çĕнсе илнĕ.
