Ачасене ĕçе вĕрентессинче ашшĕ-амăшĕн ырă тĕслĕхĕ витĕмлĕ вырăн йышăнать.
Çĕнĕ Пăва шкулĕнче 5-мĕш класра вĕренекенсем пĕр класри Данилăн ашшĕн Н.Горшковăн ĕç вырăнĕнче пулнă. Вăл шкулти мастерскойра тăрăшать. Николай Михайлович ачасене столяр ĕçĕ-хĕлĕпе паллаштарнă, инструментсемпе ĕçлесе пăхма ирĕк панă. Вĕренекенсем усăллă тĕл пулупа кăмăллă юлнă.
Сăн ỹкерчĕкре: вĕренекенсем Н. Горшковпа тата директорăн воспитани енĕпе ĕçлекен советникĕпе А.Ивановăпа пĕрле.
