2023-2027 çулсенче Чăваш Енре 378 çухрăм çула йĕркене кĕртме йышăннă.
Мускавра иртнĕ Транспорт эрнинче Чăваш Ен Пуçлăхĕпе Олег Николаевпа федерацин çул-йĕр агентствин ертỹçи Роман Новиков республикăри автомобиль çулĕсене аталантарассипе çыхăннă меморандума алă пуснă. Унпа килĕшỹллĕн тĕрлĕ бюджетра укçа-тенкĕ палăртĕç. Кăçал Чăваш Ене «Хăрушлăхсăр паха çулсем» нацпроектпа килĕшỹллĕн 859 миллион тенкĕ уйăрнă, 122 çухрăм çула юсама палăртнă. Тĕл пулăва çавăн пекех М-7 автоçулăн пĕр пайне юсассине федерацин адреслă инвестици программине кĕртессипе çыхăннă ыйтăва та пăхса тухнă.
