Чăваш Енри «Агро-Инновацисем» унитари предприятийĕн специалисчĕсем фермерсем, хушма хуçалăх тытакан граждансем, хăйсен ĕçне пуçăнас кăмăллисем валли семинарсем йĕркелесси йăлана кĕнĕ.
Кашни кĕçнерникун ял хуçалăх таварне туса илекенсем «Агро-Инновацисем» унитари предприятийĕнче пуçтарăнаççĕ. Семинарта Ял хуçалăх министерстви кооперативсене, фермерсене кỹрекен пулăшупа, грантăн конкурс условийĕсемпе паллаштараççĕ. Специалистсем округсене те çитеççĕ.
