Кăçалхи октябрĕн 1-мĕшĕнчен çĕршыври пур регионта та нумай ачаллă çемьесен цифрăллă удостоверенине хута яраççĕ. Октябрь-декабрь уйăхĕсенче тĕрлĕ пулăшу мерисемпе усă курнă чухне нумай ачаллă пулнине цифрăллă удостоверенипе мĕнле çирĕплетмелли йĕркене ĕçе кĕртĕç.
QR-кодлă цифрăллă удостоверени Патшалăх пулăшăвĕсен порталĕнчи харпăр хăй кабинетĕнче «Çемье тата ачасем» пайра курăнĕ.
Нумай ачаллă пулнине ĕнентерекен хут удостоверение унччен илсе ĕлкĕрнĕ ашшĕ-амăшĕн харпăр хăй кабинетне цифрăллă документ илме май пурри çинчен çыру килĕ.
Цифрăллă удостоверени çăмăллăхсемпе усă курмалли правăна ĕнентерес йĕркене çăмăллатĕ. Электрон документсем питĕ меллĕ. Енчен те хут удостоверенипе ашшĕ-амăшĕ çеç усă кураççĕ пулсан, цифрăллипе ачасем те усă кураяççĕ. QR-кода телефонра упраса хăварса кирлĕ чухне кăтартма пулать. Çав вăхăтрах çемьен унчченхи пек хут документ илме те май пулать.
