Ĕнер округ администрацийĕн ларусен залĕнче Депутатсен пухăвĕн черетлĕ ларăвĕ иртнĕ. Ăна Вячеслав Сядуков председатель ертсе пынă. Унăн ĕçне округ пуçлăхĕ Леонард Левый, район прокурорĕн çумĕ Анна Бочкарева хутшăннă.
Ларура, тĕпрен илсен, Елчĕк муниципалитет округĕн Уставне, «Елчĕк муниципалитет округĕн 2024 çулхи тата 2025, 2026 çулсенчи бюджечĕ çинчен» калакан Депутатсен пухăвĕн йышăнăвне, 2024 çулхи приватизацин прогнозлă планне тата ытти нормативлă актсене улшăнусем кĕртнĕ.
