Елчĕкри «Улăп» ФОКра СССР спорт мастерĕн, кире пуканĕ спорчĕн республикăри федерацийĕн председателĕн, ЧР физкультурăпа спортăн тава тивĕçлĕ ĕçченĕн Юрий Карповăн парнисене çĕнсе илессишĕн кире пуканĕ йăтакансен ăмăртăвĕ иртнĕ.
Округри шкул ачисем 12 виçе категорийĕнче 6, 8, 12, 16, 24 килограмлă кире пуканĕсене йăтса тупăшнă. Малти виçĕ вырăна тухнисем пурте дипломсемпе кубоксене тивĕçнĕ. Командăсен тупăшăвĕнче 1-мĕш ушкăнра Патреккелсем (тренерĕ — Александр Адюков), ытти виççĕшĕнче Курнавăшсем (Анатолий Константинов) çĕнтернĕ.
Юрий Михайлович çавăн пекех спорт ветеранĕсен пысăк йышне те парнесем парса хавхалантарнă.
