Çирĕклĕ Шăхалĕнчи ватă тата сусăр çынсене стационар пулăшăвĕ паракан уйрăмра Чăваш Республикин прокурорĕн заместителĕ Сергей Державин тата Елчĕк районĕн прокурорĕ Александр Кудряшов пулчĕç.
Вĕсем кунти йăла, пурăнмалли пỹлĕмсенчи, апат-çимĕç блокĕнчи условисемпе паллашрĕç, персонал шухăш-кăмăлне пĕлес тĕллевпе калаçу йĕркелерĕç.
Сергей Державин çавăн пекех Елчĕкри халăхăн социаллă ыйтăвĕсене тивĕçтерекен центр директорĕпе Владимир Федоровпа çивĕч ыйтусене тишкернĕрен, уйрăмăн ĕç-хĕлне тата та ăнăçлă йĕркелеме май парасса шанатпăр.
Асăрхав органĕн представителĕсем ватăсемпе куçа -куçăн калаçнă хыççăн харпăр хăй ыйтăвĕсемпе те йышăнчĕç. Пĕлмелли, ыйтмалли сахал мар пулчĕ вĕсен.
Антонина ОСИПОВА,
стационар ертỹçи.
