Çĕрпỹ округĕнчи Чурачăк ялĕнче çĕнĕ шкул уçăлнă.
Ăна «Ял территорийĕсен комплекслă аталанăвĕ» патшалăх программипе килĕшỹллĕн пурнăçланă. Ĕçе кĕртнĕ сумма — 440,6 миллион тенкĕ, çав шутран 309,2-шĕ — федераци бюджетĕнчен.
375 вырăнлăх пĕлỹ çуртĕнче 260 ача вĕренет. Унта пĕтĕм услови пур: илемлĕ те çутă пỹлĕмсем, йывăçпа металран тем те пĕр тумалли ăсталăх лаççи, киле панă ĕçсене тумалли пỹлĕм, цифра хатĕрĕсемлĕ лабораторисем, хальхилле йĕркеленĕ вулавăш, 120 вырăнлă акт залĕ. 10-11-мĕш классем валли виçĕ тĕрлĕ профиль вĕрентĕвĕ йĕркеленĕ. Агротехнологи направленине уйрăм тимлĕх пулĕ.
Канаш округĕнчи Янкăлчра вара Н.Ф.Гаврилов Раççей Геройĕ ячĕллĕ çĕнĕ шкул уçăлнă.
