Кăçалхи кăрлачăн 1-мĕшĕнчен ача пособийĕсен виçи пысăкланĕ. Çав шутра — пурăнмалли укçан чи пĕчĕк виçи те.
17 çула çитмен ачасемшĕн 1924 тенкĕ ытларах тỹлĕç (пĕтĕмпе пĕр уйăхра — 14965 тенкĕ), ача кĕтекен хĕрарăмсем вара 2163 тенкĕ ытларах илĕç (16817 тенкĕ). Раççей социаллă фончĕн Чăваш Енри уйрăмĕнчен пĕлтернĕ тăрăх, ỹстернĕ пособи заявлени çырмасăрах республикăри 44 пин çемьен МИР картти çине нарăсăн 3-мĕшĕнче куçĕ. Кăçал пособие пĕрремĕш хут илекенсен патне вара çак уйăхрах çитĕ.
