Июнĕн 12-мĕшĕнче — Раççей кунĕ. Ăна Раççей Президенчĕн 1994 çулхи июнĕн 2-мĕшĕнчи 1113 номерлĕ Указĕпе çирĕплетнĕ.
Çак уяв нумай нациллĕ тата тĕрлĕ тĕнлĕ Аслă Раççей гражданĕсен пĕрлĕхĕн сăваплă палли пулса тăчĕ. Нумай ĕмĕре тăсăлакан пĕрлĕх туйăмĕ патриотизм, хамăрăн историе, культура еткерлĕхне тирпейлĕ упрани, йăла-йĕркесене хисеплени, ĕçченлĕх тата ырăлăх патне туртăнни çинче никĕсленнĕ. Çакă пĕтĕмпех Тăван çĕршыв çирĕплĕхĕ, мăнаçлăхĕ.
